Baba, Nkosi yaphezulu,
nampa thin’abantwabakho.
Siyancenga sithobile: mthum’esimthenjisiweyo,
azesus’izono zethu lobumnyama esikibo,
asibuyisel’ukholo esilahlekelwa yilo.
Nkosi, bona ubumnyama obusemhlabeni wonke!
Akuthume uMkhanyisi azekubakhanyisela
abahlezi emnyameni, bengakwazi wena, Baba,
baze bakuthande bonke bakukhonze Nkosi yethu.
Jabulani, zizwe zonke, ngoba nanku kusondele
isikhathi sokufika koMsindisi weth’ uJesu.
Woza Jesu, sikhulule thin’esingabantwabakho.
Baba, Nkosi yaphezulu, awuze umbuso wakho.
|
Chorus: |
Khothamisa amazulu akho, Nkosi; (3x) |
|
Bass: |
akho Nkosi (3x) wehlele phansi kithi. |
Nkosi bona ubumnyama, obusemhlabeni wonke.
Akuthume umkhanyisi, oza kusikhanyisela.
Bheka nansi isithunywa, sindizela ngasendlini,
kuMariya eguqile, sath’ekuhl’othandiweyo.
Ulenhlahl’ enkulu wena, ngoba nanku ukhethiwe,
ngezwi likaNkulunkulu, wob’ nguNina wakhe Wena.
Wathi ukub’ezwe lawo mazwi, uMariya emangele
wathobel’uNkulunkulu, wath’akwenzeke kimi phela.
Jabulani zizwe zonke, ngoba nanku kusondele,
isikhathi sokufika, koMsindisi womhlaba wonke.
C. Zikhali
3. Lina mayezi ezulu
|
Chorus: |
Lina mayezi ezulu, mehliseni uMsindisi, lina mayezi mehliseni uMsindisi. |
Batsho njalo abantu labo,
ababemelele uMsindisi.
Nkosi ake umthumele lowo esimthenjisiweyo,
aze kusisindisa.
Baba olamandla wonke,
zwana umkhuleko wethu.
Wathumela isithunywa sakho kuMariya,
sathi: “Uzakuzala iNdodana.”
Amakhosi omhlaba azakumkhonza,
lezizwe zonke zizakumdumisa.
(c/f Luka 1,26-38) P. Mthombeni
|
Chorus: |
Nant’ilizwi elimnandi livela kuMphilisi wethu. (2x) |
Elehliswa nguNkulunkulu
kuMariya ngesithunywa uGabriyeli.
Wathumela isithunywa
ukuthi siyekutshela leliVirigo.
Isithunywa samethusa
uMariya uMama wethu wasezulwini.
Sathi kuye isithunywa:
Sakubona Nkosikazi elomusa.
Sasesisithi: Ngithunyiwe nguNkulunkulu
kuwe wena oliVirigo.
Uzakuzala iNdodana
uMkhululi wabantu bonke.
Wamangala uMariya kodwa
yena ethokoza enhliziyweni.
Akwenzeke kimi phela
njengokutsho lokuthanda kwayo iNkosi.
ULizwi waba yinyama,
yabelethwa iNdodana phakathi kwethu.
P. Hlabano
|
Chorus: |
Thokozani eNkosini, Thokozani ngob’iNkos’isiseduze. |
Izulu kalivuleke, liveze uMkhululi.
Khulul’isizwe sakho Nkosi, kuzo zonke inkathazo.
Khizani uMkhululi lina mazulu,
lina mayezi mehliseni olungileyo.
Izizwe zonke zizamangala, lamakhosi athithibale,
ngoba sekusondele ukuza koMkhululi.
Hlokomani ngokuhlabela, kuzwakale indawo zonke.
Thokoza mphefumulo wami, ngob’iNkosi isiseduze.
C. Zikhali
|
Chorus: |
Vukani, makholwa! Vukani, lilinde, ngob’ukukhanya kweNkosi kusondele (2x) |
Nanzi, izindaba, ezinhle, zokukhululwa kwethu;
Sizakukhululwa, ebugqilini, bezono zomhlaba.
Asilungise izindlela zeNkosi sizihlambulule;
Ngoba sizabona umusa lothando lweNkosi.
Inkazimulo, kaKristu, isikhanya phezu kwethu;
umnyama osibekele umhlaba, umhlaba uyedlula.
UKristu uzafika enguMhlengi, wezizwe zonke;
Wozani sibonge uNkulunkulu ngeNdodana yakhe.
M. MkandlaWoza, woza, Emanuweli, sikulindele, sikubone.
Kade sabotshwa ngamacala: USathane wasikhohlisa.
|
Chorus: |
Woza, woza, Emanuweli, usisindise, usisize. (2x) |
Woza, woza Nkosi yethu, sikhonze kuwe kokuphela.
Silondoloze imithetho: Sibe ngabantwabakho sonke.
Woza, woza Jesu wethu, akusiqinise ngamandla,
eSakramente leAlithare, elinguMzimba wakh’omuhle.
|
Chorus: |
Sisize, sisize, sisize Yehla Nkosi yehl’uvel’emazulwini uzokusisindisa. Sisize, sisize, sisize Sitsho njalo Sitsho njengabantu labo ababe kulindele. |
Yehlisani, yehlisan’uMsindisi,
yehlisani, lina mayez’ezulu.
Siyakhala, sikhala inyembezi ezilosizi.
Batsho njalo, batsho njalo abantu,
batsho njalo, ababemelele yena.
UMsindisi, uMsindis’okwathiwa uzakufika.
Ezosindisa, ezosindis’abantu
ezonweni, ezonwen’zabo zonke.
Abasuse, Abasus’ebumnyameni bezilingo.
Olomusa, olomusa uBaba,
wezw’ukukhala, wezw’ukukhala kwabo.
Wabathumela, wabathumel’iNdodan’uJesu Kristu.
Wathuma, wathuma isithunywa,
kuMariya, kuMama uMariya.
Sathi kuye, sathi uzazal’uMsindisi womhlaba.
Wavuma, wavuma uMariya,
wavuma, wathi ngiyincekukazi.
Wavuma, akwenzeke kimi, njengokutsho kwakho.
Wasusehla, wasumehlel’uMoya
uMoy’oNgcwele, uMoya oyiNgcwele wathola,
wathola iNdodana, uJesu Kristu.
P. Mahlangu
Asihambe labelusi, siyembona uMsindisi,
ozalelwe eBetlehema, oyiNkosi yethu.
Sihlabele lezithunywa, simdumis’osemgwembeni
siyibonge leyoNgane, ezalelwe thina.
Asihambe lamakhosi, sinikele kanye lawo,
konk’okuhle esilakho, kiyo leyoNgane.
Asibonge njengoNina, loJosef ’umondli wayo,
siyithande leyoNgane, enguMthandi wethu.
Inhliziyo zethu zonke, siyazipha wena Jesu,
zemukele zib’ngezakho, zikuthande njalo.
Sibusise Ngane enhle, usinik’uxolo lonke,
usilondoloze Jesu, ngobumnandi bakho.
Asihambe lathi, labelusi, siyembona khona,
uMsindisi ozalelwe khonale, eBetlehema.
| Chorus: S. | Sihlabele sithi: | |
| B&S. | Uze — lwe, uze — lwe, | |
| A&T. | Aleluya — Aleluya | |
| All: | EBethlehema |
Makholwa jabulani, nanguMsindisi,
onguy’iNdodana kaNkulunkulu.
Sihlabele labelusi simdumise,
yiyo iNkosi, yamakhosi.
Izithunywa zihlabelela, ozelweyo,
Zwanini kuyahlatshelwa, izingoma.
Hambani Eye, esitebeleni,
lingesabi, kuzelw’uMsindisi.
Wozani sihambe, makholwa,
simbonge uKristu, oyiNkosi.
Sithabe sijabule, ngozelweyo,
sithole uxolo lomusa, lokulunga.
INkosi elamandla, ivel’ezulwini,
Asikhuleke kuyo, ngokuthaba konke.
Uzakuthiwa, nguMeluleki,
INkosi ilathi, isibusisile.
P. A. Ndlovu
|
Chorus: |
Asithokoze, sithabe, ngoba iWundlu, elisindisayo, selifikile, aleluya, selifikile, aleluya. (2x) |
Kwathi, uJes’esezelw’Betlehema,
kwafika izazi zasempumalanga.
Zabuza, eJerusalema zathi:
Ungaphi ozelweyo oyiNkosi yakoJuda na?
Zathi, siyibonile inkanyezi yakhe,
kwelasempumalanga size ukumkhonza.
Abapristi, lababhali babantu bathi:
EBetlehema laseJudiya!
(c/f Mika 5,1; Mat 2,1-6) P. T. Ndlovu
Asiy’eBetlehema, sibingelele sithi:
E! Mntwana woPhezulu, E! Mntwana kaMariya. (2x)
Bayethe Jesu, Bayethe Jesu!
Sikhonza ngani kuyo? Ngomlomo wodwa yini?
Hayi, nanz’ inhliziyo, sezingezakho Mntwana (2x)
Bayethe Jesu, Bayethe Jesu!
Ndodana yoPhezulu, Ndodana kaMariya,
mawube nguMsindisi, wabantu bonke Mntwana. (2x)
Bayethe Jesu, Bayethe Jesu!
Busuku obuhle, obasilethela iNkosi, uJesu
ozasisindisa ozelwe emzini waseBethlehema.
E! Kwabelusayo ngalobo busuku, kwafik’izithunywa,
zivel’ezulwini, zikhonza zibonga iNkosi uJesu.
Besesab’abelusi babon’isithunywa;
besizwake leli ilizwi elihle, basebejabula, babonga iNkosi.
Wozani makholwa, wozani kuJesu: mus’ukwesaba ukuz’emntwaneni,
ogcwele uthando lomusa omkhulu.
O! Jesu omuhle, E. ngane emnandi, ufun’inhliziyo;
E. nansi, ithathe, ayibe ngeyakho igcinwe nje nguwe.
|
Chorus: |
Dumisani, Lina zinceku zeNkosi , Dumisani, ibizo leNkosi. (2x) |
UJesu Kristu yiNkosi yethu, wazalelwa eBethlehema.
Wazalwa kithi enjengathi, wehlukana lathi ngokuba msulwa.
Bonganin’iNkosi ngalumkhos’omkhulubonganin’iNkosi uJesu Kristu.
Yasimisela iBandla layo yasimanyanisa ngeSidlosayo.
L. Mguni
Hlokomani, aleluya, lithokoze, aleluya,
ngalolusuku, aleluya sidumise!
Chelesani, aleluya; kuzelw’iNkosi, aleluya,
yezulu lomhlaba! aleluya sidumise!
|
Chorus: |
Ndodana, Ndodana aleluya; Eyodwa, eyodwa, aleluya ekaNkulunkulu uBaba, aleluya, siqinise! |
Lina makholwa, jabulanini,
nang’uMsindisi, sidumise.
Esamthenjiswa, nguNkulunkulu,
yena uqobo, sidumise.
Mariy’oNgcwele, Josef ‘oNgcwele,
nans’iNdodana, sidumise.
UJes’uKristu, olel’emgwembeni
esitebeleni! sidumise.
Laz’izithunywa, ziyadumisa,
udumo lweNkosi, sidumise.
EBetlehema, lab’abelusi,
badumis’iNkosi, sidumise.
Yiyo iNkosi, iNkosi yamakhosi,
yezulu lomhlaba, sidumise,
Wena nkanyezi, ekhazimulayo,
kul’umntwan’omuhle, sidumise.
Ngesandla sakho, usibusise,
Msindisi womhlaba, sidumise.
Siph’ukuthula, lothando lwakho
kiwo wonk’umhlaba, sidumise.
W. Hlabano
INdodana, INdodana kaNkulunkulu.
Yaba ngumntwa, yaba ngumntwana ngenxa yethu.
Nang’uJesu, nang’uJesu usezelwe eBhetlehema,
esitebeleni.Obhalweni, obhalweni, singeke sonke.
Ugoqelwe, ugoqelwe ngengub’emhlophe.
Usemtshoko, usemtshokotshweni ulele.
Asimenze, asimenzel’amehl’amhlophe,
UNin’uMa, uNin’uMariya oNgcwele.
Wena Mama, wena Mama othandekayo.
Usilondo, usilondoloze loJesu.
Thandanani, thandanan’ezintweni zonke.
Lizakuba, lizakuba ngabantwabami.
Libatshele, libatshele abantu bonke.
Sesizale, sesizalelwe uMkhululi.
Namp’ubusuku obuNgcwele kuyathula kuthi zwi.
UJosefa loMariya, sebehlezi belomntwana.
NguMsindisi wabantu, nguMsindisi wabantu.
Namp’ubusuku, obuNgcwele, zwanini indaba le:
Sifikil’iNkosi yethu, eyiNdodana kaNkulunkulu.
NguMsindisi wabantu, nguMsindisi wabantu.
Namp’ubusuku obuNgcwele sizwile ingoma le,
izithunywa zihlabela, zidumisa ozelweyo.
NguMsindisi wabantu, nguMsindisi wabantu.
Ngokujabula Baba Nkulunkulu,
Siyakubonga Nkulunkulu Baba
Ngokuvutha kothando lwakho,
sibonga Sikhumbula ukuzalwa kweNkosi uJesu Kristu.
|
Chorus: |
Ngokuzalwa kukaJesu Krist’iNkosi Siyakubonga Nkulunkulu Baba. |
Uyikukhanya wena Nkosi,
Ntuba yaphakade Nkosi
Ngokujabula sithi kawubongwe
kawubongwe kawubongwe laphakade. (2x)
|
Bass: |
Kawubongwe, bongwe, Nkosi kawubongwe laphakade. |
S. Moyo
| Chorus: | Nkosi Jesu ngalolusuku | |
| S/T: Siyakubonga Nkosi | ||
| Ngobuqhawe bakho Nkosi | ||
| S/T: Selokhu wazalwayo. (2x) | ||
| Alto: | Kristu uyiNkosi, uyiNkosi yamakhosi. | |
| Bass: | Uliqhawe lamaqhawe, | |
| siyakubonga Kristu uliqhawe. |
IBandla liyahlokoma, liyagiya ngalumkhosi omuhle,
Kristu siyakubonga.
Ngokuzalwa kwakho wasisindisa ezonweni zethu,
Kristu siyakudumisa.
Ekuzalweni kwakho, wazehlisa, wazithoba,
Kristu uyiNkosi.
Kristu uthando lwakho olungapheliyo lukhulu kithi,
Nkosi ulomusa.
Esiphambanweni wasifela, wasihlenga ngeGazi lakho,
Nkosi ngeGazi eliNgcwele.
Kristu wasifela, wabuya wavuka ngelanga lesithathu,
Kristu uliqhawe.
Kristu waba ngumuntu,
wahlala lathi wehlukana lathi ngokungabi lesono.
Mama Mariya, siyakubonga, ngokusizalela,
uMsindisi.
N. Lunga.
Nkosi yezulu, uhlezi esitheb’leni. Kuyini lokhu? Inje indlu yakho.
Mntwana omuhle wazalelwani lapha?
Uzikhethelelani ubuyanga?
|
Chorus: |
Mntwana omuhle, Ndodana kaNkulunkulu ngibe ngowakho ngikulandele, ngikuthande. |
Nkosi yezulu, mntwana uyagodola.
Ukhala nje, ulele otshanini. Ukhalelani?
Uzondiwe ngabantu, abalezono, bengelanhliziyo.
Nkosi yezulu, wavum’ukuba nguMuntu.
Izinhliziyo zethu ziyathaba. SiloMsindisi owathenjiswa kade.
Uzakusivuleli zulu lakhe.
| 1. a. |
Safika, Mntwana Jesu, sezwa isithunywa sakho, sivel’ezulwini. |
|
| b. |
Khangela, Mntwana Jesu, thin’abantwabakho, thina abelusi. |
|
| a. | Jesu, ungumntwana nje. | |
| b. | UnguMsindisi wethu. | |
| a. | Satshelwa yisithunywa. | |
| a&b. | Sibili siyakholwa, Nkulunkulu Ndodana. | |
| Chorus: |
Jesu, siyakhothama, phambi kwakho esithaleni: Siyakuph’inhliziyo Wen’usiphe igrasiya. |
|
| 2a | Sithand’okuhle kodwa wavela ezulwini, akusisindise. | |
| b. |
Ye, ngokuthanda kwakho, wazenza umntwana nje, umyanga njengathi. |
|
| a. | Thatha inhliziyo zethu. | |
| b. | Sizakulahl’okubi. | |
| a. | Sithand’ukufanana. | |
| a&b. |
Lawe, Mntwana Jesu Kristu, Nkulunkulu iNdodana. |
|
Chorus: |
Sazalelwa, Sazalelwa sonke. Sazalelwa, uJesu Kristu. (2x) |
Jabulani lonke, makholwa lamhlanje.
Isipho sethu sonke, nguMsindisi womhlaba.
Jabulani lonke, eBetlehema.
Jabulani mhlaba, wonke lamhla.
C. Baleni
|
Chorus: |
Ukuzalwa kweNkosi, Sigubha ukuzalwa koMsindisi, Sezifikile, imigubho, ezingcwele, zoMsindisi, INkosi yethu, INkosiyeth’uJesu Kristu, |
Owazalwa yiNcasakazi eNgcwele,
UMariya eBethlehema, laseJudiya!
Ngcingci, ngcingci, ngcingci, kaMdo-yi!
eBethlehema laseJudiya!
Owasihlenga ngeGazi lakh’eliNgcwele,
Esifela eSiphambanweni!
Ngcingci, ... Esifela eSiphambanweni!
Owasimisela iBandla lakh’eliNgcwele,
EliKhatholika, ElinguNina wezizwe zonke!
Ngcingci, ... ElinguNina wezizwe zonke!
Owasithumela uMoya wakhe oNgcwele,
UMthokozisi,Ukusinika amandla akhe!
Ngcingci,... Ukusinika amandla akhe!
Owasimisela iSidlo sakh’esiNgcwele,
EsinguMzimba leGazi lakhe!
Ngcingci, ... EsinguMzimba leGazi lakhe!
Owathi uya, kusi, lungisela indawo,
Ekhay’elihle elasezulwini!
Ngcingci, ...Ekhay’elihle elasezulwi-ni!
B. Ndlovu
|
Chorus: |
“Siyibonile inkanyezi yakhe, size lezipho ukumkhonza. Aleluya!” |
Ngubani ongafaniswa lawe ezulwini, Nkosi,
ngubani phakathi kwezidalwa zasezulwini ofana leNkosi na?
Izimangaliso zakho, Nkosi, zidunyiswa ngamazulu; ubuqotho bakho badunyiswa emihlanganweni yabangcwele.Ngizakuhlabela ngothando lwakho olungapheliyo,
ngoba uthando lwakho lumi kuze kube nini lanini.
(c/ f Mat 2,1-12) T. Nkomo
|
Chorus: |
Sizalelwe umntwana, siphiwe iNdodana (2x)Sizalelwe uJesu uMsindisi womhlaba. |
Asiguqe sikhuleke, sidumise ozelweyo
Amakholwa ahlabela, emdumisa ozelweyo.
Amakhosi, alandela inkanyezi eBethlehema,
lathi sonke sijabule siyibona iNdodana.
UMariya, loJosefa bajabula ngeNdodana,
Izithunywa zadumisa zizw’indaba yozelweyo.
R. Phiri
