ILithani likaMoya oNgcwele
   
 

Nkosi, sihawukele, - Nkosi, sihawukele

Kristu, sihawukele, - Kristu, sihawukele

Nkosi, sihawukele, - Nkosi, sihawukele

   
 

Nkulunkulu Yise wasezulwini - sihawukele

Nkulunkulu Ndodana, Msindisi womhlaba -

Nkulunkulu Moya oNgcwele Buthathu obuNgcwele obunguNkulunkulu munye -

Moya oNgcwele oluqobo lunye, loNkulunkulu uYise, leNdodana -

Sithembiso esiqinileyo sikaNkulunkulu uBaba -

Sithembiso esithandekayo lesilomusa omkhulu -

Sipho esivela kuNkulunkulu onguMphezu’konke -

Nsaba zokukhanya kwasezulwini -

Sisusa sokulunga konke -

Mthombo wamanzi okuphila -

Sithando somlilo otshabalalisa ububi bonke -

Sithando somlilo ovutha uthando -

Siphawulo sobuNgcwele bonke -

Mphakuleli wezipho zokoMoya wokulunga lokholo Moya, wokuhlakanipha lokuqedisisa -

Moya, wokweluleka lesibindi -

Moya, wolwazi lokulunga -

Moya, wokwesaba iNkosi -

Moya, wokutshiseka lenhlawulelo -

Moya, womusa kaNkulunkulu, lowokukhuleka -

Moya, wothando, lowokuthula, lokuthokoza -

Moya, wokubekezela lokulangathela ubuhle -

Moya, oMnene, oPholileyo loThembekileyo -

Moya, wokuzithoba lokuzibamba lowobumsulwa -

Moya, osenza sibe ngabantwana bakaNkulunkulu lezindlalifa -

Moya oNgcwele, Mduduzi wabalusizi -

Moya oNgcwele osenza sibe ngcwele -

Wena owawukhona ekuqaleni, uhambahamba phezu kwamanzi -

Wena owafunzelela abangcwele, ukukhuluma ngoNkulunkulu -

Wena owembesa uMama Mariya ngobungcwele -

Wena owaphathisa ekwemulweni okuyisimanga kweNdodana kaNkulunkulu -

Wena owehlela phezu kweNkosi uJesu Kristu mhla ebhabhathizwa -

Wena owabonakala unjengenlimi zomlilo mhla usehlela kubaPhostoli ngosuku lwePhentekoste -

Wena osenza sizalwe kutsha -

Moya, kaNkulunkulu ohlala phakathi kwethu -

Moya, kaNkulunkulu oqondisa iBandla -

Moya, kaNkulunkulu ogcwalisa umhlaba wonke ngobungcwele -

Moya oNgcwele, Moya kaNkulunkulu - siyakuncenga akusizwe

Wena, ovusulela umhlaba ube mutsha -

Wena, ogcwalisa inhliziyo zethu ngokukhanya kwakho -

Wena, oloba imilayo enhliziyweni zabantu -

Wena, olumathisa umlilo wothando lwakho enhliziyweni zethu -

Wena osivulela isiphala senotho yomusa kaNkulunkulu -

Wena osigcina sikuwe ngamandla akho asikhangayo -

Wena osifunzelela ngokukhanya kwakho kwasezulwini -

Usiphe ulwazi lwakho oluqakathekileyo kithi -

Senze sithande abanye, njalo sibazwisise -

Sikhokhelele endleleni elandela imilayo yakho -

Akusenze silalele ukufunzelela kwakho -

Sifundise ukukhuleka, sikhuleke sikanye lawe -

Sembese uthando lesihawu, ukuze sibazwele abanye -

Akusikhusulele ukwesaba ububi -

Usikhokhelele ekwenzeni okulungileyo -

Akusiphe umusa kaNkulunkulu, lokulunga konke -

Senze siqinisele ngezikhathi zobunzima, sibambelele ekulungeni

Sicela ube nguMvuzo wethu olaphakade -

 

Mvana kaNkulunkulu wena osusa izono zabantu - siphathe ngomusa Nkosi

Mvana kaNkulunkulu wena osusa izono zabantu - sizwe Nkosi

Mvana kaNkulunkulu wena osusa izono zabantu - sihawukele

Kristu sizwe, - Kristu akusizwe

 

K. O, Nkulunkulu akwenze inhliziyo zethu zihlambuluke.

B. Uzivuselele ngomoya wakho wokulunga.

 

Kasikhulekeni: Siyacela Baba olomusa omkhulu, akusiphe uMoya wakho, usikhanyisele, ulumathise inhliziyo zethu ngelangabi elitshabalalisa ububi bonke obukizo, uzenze zihlambuluke zifanele wena Mdali wazo. Moya oNgcwele akusiphe umusa wakho wasezulwini, usenze sithele izithelo zokulunga, ngemisebenzi yethu emihle esiyenzayo. Akwenze sibe yikukhanya okuzahuga abanye ukuba beze kuwe. Sicela ngoJesu Kristu iNkosi yethu. Amen.

   
  ILithani likaMariya oNgcwele
   
 

Nkosi, sihawukele, - Nkosi, sihawukele

Kristu, sihawukele, - Kristu, sihawukele

Nkosi, sihawukele, - Nkosi, sihawukele

   
 

Nkulunkulu, Yise wasezulwini - sihawukele

Nkulunkulu, Ndodana, Msindisi womhlaba -

Nkulunkulu, Moya oNgcwele -

Buthathu obuNgcwele obunguNkulunkulu munye -

Mariya oNgcwele - sikhulekele

Mzali oNgcwele kaNkulunkulu -

Virigo eliNgcwele emaVirigweni -

Nina kaKristu; Nina weBandla -

Nina womusa kaNkulunkulu -

Nina omsulwa ngokupheleleyo -

Nina olenhliziyo emhlophenke -

Nina ongangcoliswanga yibubi -

Nina onganindwanga ngesono -

Nina othandekayo kakhulu -

Nina obukekayo kakhulu -

Nina wezeluleko ezinhle -

Nina woMdali wethu -

Nina woMsindisi wethu -

Virigo elihlakaniphileyo kakhulu -

Virigo elihloniphekayo kakhulu -

Virigo elilodumo olukhulu -

Virigo elilamandla kakhulu -

Virigo elilomusa omkhulu -

Virigo elithembekileyo kakhulu -

Sibonelo sokulunga -

Sihlalo sokuhlakanipha -

Wena mthabisi wethu -

Mthombo wokomoya

Sitsha esazisekayo -

Sitsha esigcwele uthando lukaNkulunkulu -

Luba elingumangaliso -

Mvikeli wenzalo kaDavida -

Ndlu eyakhiwe ngezibalazo eziligugu -

Ndlu yegolide -

Ndlwana yesivumelwano Ntuba yezulu -

Khwezi lokusa -

Kusila kwezigulane -

Mvikeli wezoni -

Mduduzi wabalusizi -

Msizi wamakholwa -

Msizi wabapristi lezidelamhlaba! -

Nkosikazi yezithunywa zasezulwini -

Nkosikazi yabaPhatriyaki bonke -

Nkosikazi yabaProfethi bonke -

Nkosikazi yabaPhostoli bonke -

Nkosikazi yabafelukholo bonke -

Nkosikazi yabavumukholo bonke -

Nkosikazi yamaVirigo wonke -

Nkosikazi yabangcwele bonke -

Nkosikazi eyemulwa ingelasono semvelo -

Nkosikazi eyenyuselwa ezulwini -

Nkosikazi yeRosali elingcwele sibili -

Nkosikazi yokuthula -

Nkosikazi yezulu lomhlaba -

Nkosikazi yezizwe zonke! -

 

Mvana kaNkulunkulu, wena osusa izono zabantu - Siphathe ngomusa Nkosi.

Mvana kaNkulunkulu, wena osusa izono zabantu - Sizwe, Nkosi.

Mvana kaNkulunkulu, wena osusa izono zabantu - Sihawukele.

Kristu, sizwe - Kristu, akusizwe.

 

Kasikhulekeni: Nkosi, Nkulunkulu Baba, akuvume ukuba thina zikhonzi zakho, sibe lempilo yomoya leyomzimba; lokuba kuthi ngokusicelela okulamandla kukaMariya oNgcwele, oliVirigo kokuphela, siphephe ezinsizini zalokhu kuphila, sifinyelele entokozweni elaphakade. Sicela ngoKristu iNkosi yethu. Amen.

   
  ILithani likaJosefa oNgcwele
   
 

Nkosi, sihawukele, - Nkosi, sihawukele

Kristu, sihawukele, - Kristu, sihawukele

Nkosi, sihawukele, - Nkosi, sihawukele

   
 

Nkulunkulu, Yise wasezulwini - sihawukele.

Nkulunkulu, Ndodana, Msindisi womhlaba -

Nkulunkulu, Moya oNgcwele -

Buthathu obuNgcwele obunguNkulunkulu munye -

Mariya ongcwele - sikhulekele.

Josefa ongcwele -

Wena oyinzalo edumileyo kaDavida -

Josefa ongcwele, kukhanya kwabaPhatriyaki -

Josefa ongcwele, myeni woMzali kaNkulunkulu -

Josefa ongcwele, mlondolozi omsulwa weVirigo uMariya -

Josefa ongcwele, mondli weNdodana kaNkulunkulu -

Josefa ongcwele, mvikeli olesinanzo kuKristu -

Josefa ongcwele, nhloko yendlu eNgcwele yaseNazaretha -

Josefa ongcwele, wena olunge kakhulu -

Josefa ongcwele, wena olenhliziyo emhlophe kakhulu -

Josefa ongcwele, wena ohlakaniphileyo kakhulu -

Josefa ongcwele, qhawe elilesibindi -

Josefa ongcwele, sibonelo sokulalela okukhulu -

Josefa ongcwele, sibonelo sokuthembeka okukhulu -

Josefa ongcwele, sibonelo sokubekezela -

Josefa ongcwele, wena mthandi wobuyanga -

Josefa ongcwele, sibonelo sezisebenzi -

Josefa ongcwele, sibonelo sobuhle bokuhlalisana kuhle endlini -

Josefa ongcwele, mlondolozi wamavirigo -

Josefa ongcwele, mqinisi wezimuli -

Josefa ongcwele, mduduzi wabalusizi -

Josefa ongcwele, themba labagulayo -

Josefa ongcwele, mmeli wabaphansi kokufa -

Josefa ongcwele, wena owethusela imimoya emibi -

Josefa ongcwele, mlondolozi weBandla eliNgcwele -

 

Mvana kaNkulunkulu, wena osusa izono zabantu - Siphathe ngomusa Nkosi.

Mvana kaNkulunkulu, wena osusa izono zabantu - Sizwe, Nkosi.

Mvana kaNkulunkulu, wena osusa izono zabantu - Sihawukele.

 

K. Nkulunkulu wamenza inkosi yendlu yakhe.

B. Lomlondolozi wezinto zakhe zonke.

 

Kasikhulekeni: Nkulunkulu, owathi ngokunanzelela kwakho okumangalisayo wakhetha uJosefa oNgcwele ukuba abe ngumyeni kaNina weNdodana yakho. Siyakubonga. Njengoba simdumisa lapha emhlabeni, siyakuncenga ukuba njengomlondozi wethu asikhulekele ezulwini. Sicela ngoKristu iNkosi yethu. Amen.

   
  ILithani labaNgcwele bonke
   
 

Nkosi, sihawukele - Nkosi, sihawukele.

Kristu, sihawukele - Kristu, sihawukele.

Nkosi, sihawukele - Nkosi, sihawukele.

Kristu, sizwe - Kristu, akusizwe.


Nkulunkulu, Yise wasezulwini - sihawukele.

Nkulunkulu, Ndodana, Msindisi womhlaba -

Nkulunkulu, Moya oNgcwele -

Buthathu obuNgcwele obunguNkulunkulu munye -

Mariya oNgcwele - sikhulekele.

Mzali oNgcwele kaNkulunkulu -

Mikhayeli ongcwele -

Lina lonke zithunywa ezingcwele - lisikhulekele.

Johane ongcwele Mbhabhathizi - sikhulekele.

Josefa ongcwele -

Phetro loPhawuli abangcwele - lisikhulekele.

Johane ongcwele - sikhulekele.

Jakobe ongcwele -

Mathewu ongcwele -

Marko ongcwele -

Luka ongcwele -

Lina lonke baPhostoli lababhali beBhayibhili elingcwele -lisikhulekele.

Mariya Magadalena ongcwele - sikhulekele.

Stefane ongcwele -

Jowakhimu loAna abangcwele - lisikhulekele.

Ignasiyo weAntiyoki ongcwele -

Lorensi ongcwele -

Perpetua loFelisitasi abangcwele -

Agnesi ongcwele -

Gregori ongcwele -

Agastini ongcwele -

Monika ongcwele
Athanasiyo ongcwele -

Basili ongcwele -

Martini ongcwele -

Benedikti ongcwele -

Fransisi waseAssisi ongcwele -

Fransisi Zeviya ongcwele -

Johane Viyani ongcwele -

Khatharina ongcwele -

Thereziya ongcwele -

Lina lonke bangcwele besilisa labesifazana -
Lina bafelukholo baseUganda abangcwele -

Lina lonke bangcwele baseAfrika -

Lina lonke bokhokho bethu abasindisiweyo -
Lina lonke zihlobo zethu ezisindisiweyo -

Lina lonke bobaba labomama abasindisiweyo -

Lina lonke bangcwele bakaNkulunkulu -

Yiba lomusa kithi Nkosi - sithethelele

Yiba lomusa kithi Nkosi - akusizwe 

Ebubini bonke - sisindise Nkosi

Ezonweni zonke -  

Ekujunyweni yikufa singazilungiselelanga -

Ezithiyweni zikaSathane -

Olakeni, lasenzondweni lasezifisweni ezimbi -

Emibaneni lasezingozini zemvelo -

Endlaleni lasezinsweleni zethu -

Kuzifo ezithelelwanwayo, lasezimpini -

Ekulahlweni okulaphakade -

Ngemfihlo engcwele yokuba nguMuntu kwakho -

Ngokuzalwa kwakho -

Ngokuhlupheka langokubethelwa kwakho esiphambanweni -

Ngokufa langokuvuka kwakho -
Ngokwenyukela kwakho ezulwini -

Ngokwehla kukaMoya oNgcwele -

Ngosuku lokuthonisiswa -

Thina zoni - akusizwe, siyakuncenga.

Akusiphathe ngomusa -

Akusithethelele izono zethu -

Akusenze siphenduke ngobuqotho ezonweni -

Ake ubusise, ulondoloze iBandla lakho elingcwele -

Ake uqinise uPhapha, ongumlandeli kaPhetro umphostoli -

Ake uqinise bonke abakhokheli beBandla -

Akwenze ukuba ababusi bomhlaba bahlalisane ngokuthula langokuzwana -

Akwenze amaKristu onke ahlalisane ngokuthula abe nhliziyonye -

Ake usiqinise okholweni lwethu -

Ake uvuselele wonke amakholwa awileyo eBandleni lakho -

Ake uphendule abangakholwayo bemukele ukukhanya kweVangeli -

Ake ubaphe bonke abasenzela okuhle abaphilayo labafileyo umvuzo olaphakade -

Akusivikele ekulahlweni okulaphakade -

Ake usiphe izulu elaneleyo -

Akuphe amakholwa afileyo, ukuphumula okungapheliyo -

 

Mvana kaNkulunkulu, wena osusa izono zabantu - Siphathe ngomusa, Nkosi.

Mvana kaNkulunkulu, wena osusa izono zabantu - Sizwe, Nkosi.

Mvana kaNkulunkulu, wena osusa izono zabantu - Sihawukele.

Kasikhulekeni: Nkulunkulu olaphakade, Mninimandla wonke, wena obusa abalapha emhlabeni labasezulwini. Siyakubonga. Hawukela bonke abaziletha kuwe ubathethelele izono zabo ngokucelelwa kwabo ngabangcwele bonke. Sicela ngoJesu Kristu iNkosi yethu. Amen.

   
  ILithani labafelukholo baseUganda
   
 

Nkosi, sihawukele - Nkosi, sihawukele.

Kristu, sihawukele -Kristu, sihawukele.

Nkosi, sihawukele - Nkosi, sihawukele.

 

Nkulunkulu, Yise wasezulwini - sihawukele.

Nkulunkulu, Ndodana, Msindisi womhlaba -

Nkulunkulu, Moya oNgcwele -

Buthathu obuNgcwele obunguNkulunkulu munye -

Charles Lwanga, ongcwele, mmeli wentanga entsha yaseAfrika -sikhulekele.

Mathiyasi Mulumba ongcwele, wena owawungu mkhokheli oqotho -

Josefa Mukasa, mfelukholo wokuqala waseUganda -

Denisi Sebugwawo ongcwele, sibonelo sokuziphatha ngenhlonipho -

Pontiyanu Ngondwe, sibonelo sokuthembeka -

Andreya Kagwa ongcwele, sibonelo sabatshumayeli -

Athanasiyo Bazekukhetha ongcwele, mlondolozi wamagugu eNkosi -

Gonzaga Gonza ongcwele, mhawukeli wezibotshwa lezihlupheki -

Nowa Mawagali ongcwele, mthandi wobuyanga baseVangelini -

Luka Banabakintu ongcwele, mlingiseli oqotho kaKristu -

Jakobe Buzabaliyawo ongcwele, butho eliqinileyo likaKristu -

Giyavila ongcwele, sibonelo sokuthethelela abasonayo -

Ambrosi Kibuka ongcwele, sibonelo sokuthanda umakhelwane -

Anathole Kirigwajo ongcwele, sibonelo sokuzidela lokuzinikela -

Achilesi Kiwanuka ongcwele, sibonelo sokuzahlukanisela uKristu -

Khizitho ongcwele, nkanyezi yobumhlophe benhliziyo -

Mbaga Tuzinde ongcwele, sibonelo sokunqoba ukwalelwa ngabazali -

Mugaga ongcwele, qhawe lobumhlophe benhliziyo -

Mukasa Kiriwawamvu ongcwele, sibonelo sokutshisekela ukholo -

Adolfu Ludigo ongcwele, sibonelo sokuzidela ngenxa yabanye -

Bruno Serunkuma ongcwele, sibonelo sokuzithinta -

Johane Muzeyi ongcwele, sibonelo sokweluleka lomusa -

 

Mvana kaNkulunkulu, wena osusa izono zabantu - Siphathe ngomusa, Nkosi.

Mvana kaNkulunkulu, wena osusa izono zabantu - Sizwe, Nkosi.

Mvana kaNkulunkulu, wena osusa izono zabantu - Sihawukele.

Kristu, sizwe - Kristu, akusizwe.

 

Kasikhulekeni: Nkulunkulu Mninimandla wonke lesihawu sonke, wena okhanyisela umhlaba wonke ngokukhanya kweqiniso lakho, owathi ngabafelukholo abadumileyo baseUganda, uMathiyasi loCharles labangane babo, wabonakalisa amandla omusa wakho, waphinda wenza izimangaliso zokholo emazweni aseAfrika; akusizwe thina esicela kuwe ngokuzithoba, kuthi ngokusicelela kwabo, usiphe amandla okugcina isipho sokholo lomusa wakho; wenze ukuba emazweni onke amakholwa akukhonze ngokulunga okupheleleyo. Sicela ngo-Kristu iNkosi yethu. Amen.

   
  ILithani lezwekazi laseAfrika
   
 

Nans’iAfrika, Godogodo olumnyama; wena ngqabutho eyathathelwa ubungqabutho ngabanye ngenxa yesinono sakho! - Nkosi busisa iAfrika. 

Nans’iNqaba okwaphephela kiyo uMsindisi womhlaba lapho ethungathwa yinkosi uHerodi owayefuna iGazi lakhe! - Nkosi busisa iAfrika.

Wakwamukela ukukhanya komhlaba kungakawukhanyiseli, wakufihla ngasemsamo wakho isitha saze sakhothama - Nkosi busisa iAfrika.

Izimpi zikaMuhamadi zakuhlasela emaphethelweni akho asenyakatho, zahlanyela ukholo lwazo kuwe - Nkosi busisa iAfrika.

Kodwa ukukhanya kobuKristu kwaklasa njalonjalo kuwe, ikakhulu kumagumbi akho aseningizimu lasempumalanga, lasenzikini yakho - Nkosi busisa iAfrika.  

Tshwaphuluka mdondotshiya, khwezi elimnyama, gqoza emagqozeni! - Nkosi busisa iAfrika.

Lothuka ume phakathi kwababangisi bakho ulingane labo! Khazimula ngenkazimulo kaKristu njengabanye, uphucuke, uphumelele, uthele izithelo ezinhle, uqhele uyephambili njengabanye - Nkosi busisa iAfrika.

Phakamisa isibane semfundo lokholo lokuzicola, ukhanyisele abantwabakho, babe lemiphefumulo esindisiweyo, lengqondo ezikhaliphileyo, lemizimba elempilo enhle - Nkosi busisa iAfrika.

Siqhwaga esesatshwa zingwazi lamaqhawe omhlaba, ngoba insinga leziqwanga zakho zikhomba ikusasa yobungqwele obukhulu - Nkosi busisa iAfrika.

Woba liqhawe kwezokholo, ufuze uKristu! - Nkosi busisa iAfrika.

Woba liqhawe kwezembeko lobuntu, ufuze okhokho! - Nkosi busisa iAfrika.

Woba liqhawe elilwisa ububi, wakhe iAfrika entsha lamaAfrika aqotho! - Nkosi busisa iAfrika.

Woba yingwazi elwisa imikhuba emibi yalumhlaba, uqede umonakalo osugcwele kuzingonsi zakho zonke - Nkosi busisa iAfrika.

Afrika, woba litswayi lamanye amazwe omhlaba! - Nkosi busisa iAfrika.

Afrika, woba yikukhanya komhlaba lokwezizwe zonke! - Nkosi busisa iAfrika.

Yehlula izimpi, indlala, ubuyanga, ukungazi, imikhuhlane - Nkosi busisa iAfrika.

Kakube njalo; kube njalo kuze kube nini lanininini. Amen.

   
 

next page